India ramah Covid-19 vanga thi pakhat awm
Karnataka sorkar chuan Nilainia thi, kum 76 mi Mohammed Hussain Siddiq thihna chhan chu Covid-19 vang a ni tih a sawichiang ta. Siddiq hi January 29 leh February 29 inkar khan Saudi Arabia-ah a zin a, India rama a kir hnuah March 6 aṭang khan asthma leh taksa lam harsatna dang a nei zui a ni. A hnuah khuh nasa leh thawk lama harsatna te a nei chho leh a, March 9 khan Kalaburgi damdawi-inah dah luh a ni. Hetah hian pneumonia a nei tih hriat chhuah niin, Covid-19 a kai rin a ni bawk. A sample te an lak hnuah damdawi-in aṭang hian chhuahtirin Hyderabad lamah hruai leh a ni. Hyderabad aṭanga Kalburgari pana a kirnaah kawng lakah a thi a, a thih hnuah a sample test result hi chhuakin, Covid-19 a kai tih Karnataka health department chuan a tichiang ta a ni. India ramah Covid-19 kai finfiah tawh hi nimin thleng khan mi 73 an tling tawh.
India dinhmun tlangpui
1) Covid 19 vangin Air India chuan Italy, France, Germany, Spain, South Korea leh Sir Lanka a thlawhtheihna thlawk turte chu April 30 thleng atan a titawp rih.
2) Board of Control for Cricket in India (BCCI) chuan IPL match ṭan hun, March 19-a tih chu April 15-ah a sawn.
3) Kerala-ah mi 3910-te chu hri an kai em tih enfiahna nei tura dah hran an ni. Kerala-ah hian mi 19-in he hri hi an kai tawh a ni.
5) PM Modi chuan SAARC member ramte chu he hri beihna kawngah theihtawpa ṭang tlang turin a chah.