Hna nuai 75 siam thar hi thil theih a ni lo: Chidambaram

Union Finance Minister hlui P Chidambaram chuan Prime Minister Narendra Modi-a kaihhruai sorkarin March thla thlenga hna, nuai 75 siam thar a tiam chu India ram dinhmun nena ngaihtuahin thil theih loh a nih thu a sawi.

Congress party hruaitu chuan formal sector hnuaiah sorkarin hna thar nuai 75 a siam theih chuan, informal leh agriculture sector hnuaiah hna thar nuai 75 a siam bawk tur a ni, a ti. Mahse sorkar kum kal lai mekah hna thar nuai 150 siam tur chuan India chuan tuna a GDP hi a let ngaa sang a nih a ngai dawn a, hei vang hian hei hi tih theih a ni lo, a ti.

Chidambaram chuan kum 2014-2015 khan EPFO (Employees Provident Fund Organisation) number chu nuai 23-ah a pung tih a sawi a, hemi ṭuma economy ṭhanna chu 7.5% anih thu a sawi. 2015-16 khan EPFO number chu nuai 25-ah pungin, economy ṭhanna chu 8% a ni a, 2016-17-ah EPFO chu nuai 75-ah eng ang kawnga tihpun nge a tum tiin Modi-a kaihhruai sorkar chu a zawt.

Union minister hlui chuan China GDP chu India aiin let nga-in a sang zawk a, hna thar nuai 150 a siam a, hetihlaia India-in hna thar nuai 75 siam a tum dan chu hriatthiam loh thu a sawi.