Mumbai-ah ruahsur vanga chhiatna thlengah mi 20 thi

Mumbai khawpuia ruahsur nasa taka a sur avangin mipuite chu pawn chhuak lo turin ngen an ni a, ruahsurin Chembur leh Vikhroli area-a chhiatna a thlenah mi 20 an thi a, mi dang eng emaw zatin hliam an tuar.

Chembur-a Bharat Nagar-ah leimin vanga bang chimin mi 17 a delh hlum a, Vikroloi area-ah in chimah mi pathum an thi bawk niin Birhanmumbai Municipal Corporation (BMC) chuan a sawi. Chhiatna thlennaah hian hliam tuar eng emaw zat an awm bawk a ni.

Prime minister Narendra Modi chuan chhiatna thlenga thi chhungte chu zangna­dawmna, cheng nuai hnih ṭheuh pek an ni dawn a, hliam tuarte chu Rs 50,000 pek an nih tur thu a puang nghal.