Yashwant Sinha-an BJP chhuahsan a tum lo

Tun hnaia BJP kaihruai NDA sorkar sawiseltu, BJP hruaitu hlun Yaswant Sinha chuan BJP chu chhuahsan a tum lo a, an duh a nih chuan BJP aṭang chuan an hnawtchhuak thei ang tiin a sawi.

Sinha hian political platform a siam, 'Rashtra Manch' hmangin sorkar policy hrang hrangte a lo sawisel fo tawh a ni. BJP member nih aiin India khua leh tui nihna chu thil pawimawh zawk a nih thu a sawi. Rashtra Manch hi loneitute leh

ṭhalai hna nei lote tana a siam nia sawiin, Sinha chuan central lam hotute chuan loneitute harsatnate chu an hriathiampui phak lo a ni, a ti.

Finance minister hlui Sinha chuan India khua leh tui a nihna angin ram chhunga loneitute harsatna tawh chung-changte chu a sawichhuak tih a sawi a, sorkar a sawiselna chu mimal leh party a beihna ni loin, a policy kalpui dan vang a ni tih a sawi bawk.

Sinha chuan investigating agency te chu sorkar sawiseltute beihna atana hmang ṭangkai a ni tih sawiin, BJP nilote thinlungah hlauthawnna a awm tawh a ni, a ti.