Swaraj-i leh Prachanda inkawm

Nepal rama cham mek, External Affairs Minister Sushma Swaraj-i chuan nimin khan CPN-Maoist Centre Chairman Pushpa Kamal Dahal Prachanda kawmin, ram pahnihten inzawmna nghet leh ṭha zawk an neih theih dante an sawidun.

Sushma Swaraj-i chuan Nepal ram inthlanpui neiha CPN-Maoist Centre an chet ṭhat avangin a lawmpui thu pawh a hrilh a ni. CPN-Maoist Centre hi inthlanpuiah party mala seat la hnem ber dawt niin, Communist Party of Nepal-Unified Marxist Leninist (CPN-UML) chauh a phak lo a ni. Swaraj-i hian Ningani khan UML hruaitute a lo kawm tawh bawk.