Bulletproof vest 1,430 thawn let

Maharashtra Police-te chuan 26/11-a firfiakten Mumbai khawpui an beih hnu khan bulletproof jacket 4,600 an dawng a, mahse heng zinga 1,430 chu a ṭhat tawk loh avangin a siamtu company hnenah thawn kir leh anih thu an sawi.

Additional Director General of Police (Procurement and Coordination), VV Laxmina­rayana chuan bulletproof jacket-te hi AK-47 bullet hmanga enchhin an ni tih a sawi a, mahse heng zinga 1,400 chuang chu a ṭhat tawk loh avangin a siamtu, Kanpur-a company hnenah an thawn let thu a sawi.

Police department hian company hnenah hian bulletproof jacket hi 5,000 a order a, he company hian central security force hnenah pawh hetiang jacket hi alo supply tawh a ni. Jacket-te hi Chandigarh-a Central Forensic Science Laboratory-ah enchhin an ni a, an enchhinaah hian AK-47 silai mu in jacket 1,430-te hi a kahtlang theih avangin an hnawl a, a thara thlak turin company hi hriattir a ni.