Pakistan-ah sangha mantu 47 man
Pakistan thuneitute chuan an ram tuipui china luta puhin India mi sangha mantu 47 an man.
Pakistan Maritime Security Agency (PMSA) chuan India mite hi Arabian Sea-a Pakistan tuipui chinah dan kalha sangha manah puhin Inrinni khan an man a ni. Sangha mantute hi Docks police-te kutah hlan nghal an ni. PMSA thupuangtu chuan India mite lawng pawh hi man sak an ni tih a sawi.
January 19 khan PSMA chuan Pakistan tuipui china lut nia puh India mi sangha mantu 17-te chu a lo man tawh bawk a, an lawng pathum pawh hrensak nghal an ni.
Arabian Sea-ah hian maritime border mumal tak a awm loh avangin Pakistan leh India hian a tuipui china lut nia puihin sangha mantute an lo inmansak fo a ni. Nikum December leh kumin January thla khan Pakistan chuan India mi sangha mantu a man zinga 292 chu a lo chhuah tawh a ni.