Motor khalh laia phone hmangte licence tihtawp sak dawn

West Bengal sorkar chuan motor khalh laia mobile phone hmang manchhuahte chu an driving licence tihtawp lailawk sak an ni dawn tih a sawi.

West Bengal Transport Department-in thupek thar a siamah motor khalh laia mobile phone khap leh, a hmang luite hremna tur hi a tichhuak a ni. Driver-te chunga action turah hian a finfiahna atan CCTV footage-te pawh hman theih a nih tur thu sorkar official chuan a sawi. Thla hmasa khan Murshidabad district-ah khualzin phur bus chu kawrah tlain mi 43 an thi a, he bus khalhtu hi a motor khalh chung hian mobile phone a hmang a, hei vang hian chetsualna hi a thleng ta nia sawi a ni. Hei vang hian sorkar chuan driver-te khuahkhirhna thupek hi a tichhuak zui ta a ni.