BJP hruaituin Muslim-te India chhuahsan turin a ti

Bharatiya Janata Party (BJP) MP Vinay Katiyar chuan Muslim-te chu ramchhunga inṭhendarhna thlentuah puhin, India ram chhuahsan turin a ti.

Vinay Katiyar chuan, " Muslim-te hi he ramah hian an cheng ve tur a ni lo. Sakhaw hmangin inṭhendarhna an thlen a, engvangin nge an awm reng a ṭulna? Bangladesh emaw Pakistan-ah emaw kal mai rawh se", a ti. BJP hruaitu chuan Vande Mataram zah lohna lantir leh, hnam puanzar hmusittu hremna dan siam a phut thu a sawi. Pakistan hnam puanzar zartute chu na taka hrem ngei a duh thu a sawi bawk.