Washington-a Mahatma Gandhi lim suasam

US-a Minneapolis-a police pakhatin African-American George Floyd a thah avanga lungawi lohna lantirnaah, Washington DC-a Indian Embassy pawna Mahatma Gandhi lim dah chu a suasam a ni. 

India-a US ambassador Ken Juster chuan he thil thleng hi pawi a tih thu sawiin, US khawpui hrang hrangah nawrh huaihawtten tharum thawhna thlen leh thil tam tak an suasam chu a dem tak zet tih a sawi. 

US Park Police-te chuan Gandhi lim suasam a nih dan hi an chhui zui nghal a, hei bakah thil hlu tam tak pawh  nawrh huaihawtte hian a khawih chhe bawk a ni.