India hming thlak chungchangah SC-in inrawlh ṭul a ti lo

Nimin khan Supreme Court chuan India tih aia Bharat hman leh chung changah a inrawlh duh loh tih tarlangin, sorkar laipui chuan a ngaih­tuah fel thei tih a tarlang.

Delhi-a awm sum­dawng mi Namaha chuan India ram hming chu Bharat tih emaw Hindustan tiha thlak turin Supreme Court-ah hian petition a thehlut a, India tih chuan 'sal chhinchhiahna' a entir a ni tiin a ngenna thehluhah hian hemi chungchang hi a ziak a ni.

Chief Justice of India SA Bobde chuan he pe­tition thehluh hi court-in a ngaihtuah a ngaih loh thu sawiin, India Danpui hman mekah Bharat chu a chuang sa reng a ni tiin a sawi.