Sumdawng leh healthcare professional-te zin phalsak

Ministry of Home Affairs (MHA) chuan ram dang aṭanga India-a zin tum sumdawng mi leh healthcare professional-te chu zin phal loh zingah an telve lo tih a tarlang.

India-a an rawn zin hi phalsak mah se ramdang aṭanga sumdawng mi- manufacturing, IT leh financial sector company vanga lo zin turte chuan business visa thar an buaipui a ngai dawn a ni. India healthcare facility-a hna nei healthcare professional, health researcher leh technician-te pawhin visa thar an buaipui a ngai tho dawn bawk a ni.    

June 30 thleng MHA chuan international flight chu tihtawp lailawk rih a nih thu Unlock 1.0 a tihchhuahah khan a tarlang a ni. May 25 aṭanga khan ram chhung thlawhtheihna ṭhenkhat thlawh tir ṭan a ni a, June 1 aṭang khan passenger phur thlawhtheihna thlawh tir leh a ni bawk.   

Tunah hian ram chhunga thlawhtheihna service hmun thuma ṭhena hmun khat (33%) chu thlawh tir mek a ni. Covid-19 hri leng hian ziaawm lam a pan theih chuan July thla aṭang hian ram pawn thlawhtheihna, international commercial passenger flights tlawh tir tum a ni.