Central team-in West Bengal tlawh

Cyclone Amphan tlehin West Bengal-a chhiatna thlen dante enfiah turin nimin khan inter-ministerial central team (IMCT) in nimin tlaiah khan Kolkata an thleng. 

Member pasarih awmna central team hi Ministry of Home Affairs Joint Secretary (Cyber and Information Security), Anuj Sharma-a'n a ho a, thlipui tleh tuar nasa zual, North leh South 24 Parganas te tlawhin, chhiatna thlen dante an enfiah ang. Mahse heng hmun enfiah nan hian ni khat chauh hun an neih avangin helicopter hmangin an enkual dawn nia sawi a ni. 

IMCT member-te hian chief secretary Rajiva Sina leh senior official dangte an hmuh hnuin Inrinniah Delhi an pan leh nghal dawn a, sorkar laipuiah report an thehlut ang. 

Prime Minister Narendra Modi chuan West Bengal-a thlipui tlehna hmunte hi helicopter hmangin a lo enkual tawh bawk a, chhiatna nasa tak thleng vangin ṭanpuina hmahruai atan cheng vaibelchhe 1,000 pek an nih tur thu pawh a lo puang tawh bawk a ni.