Hlawhtling takin New Generation Akash Missile enchhin

Odisha tuipui kama Integrated Test Range (ITR) aṭangin Nilaini khan New Generation Akash Missile (Akash-NG) chu hlawhtling taka enchhin a ni.

Nilaini chawhnu dar 12:45 bawr vel khan land-based platform aṭangin Akash-NG hi kahchhuah a ni.

Surface-to-surface missile hi Defence Research Deve­lopment Laboratory (DRDL), Hyderabad leh DRDO labo­ratory dangte thawk­hoin an siam a ni.

Akash-NG weapon system hi hman theiha peih a nih hnuah IAF tan ralthuam ṭang­kai tak ni tura rin a ni.

Defence minister Rajnath Singh chuan hlawhtling taka enchhinna an neih avangin DRDO, Indian Air Force leh production agency-te chu lawmpuina thu a thawn.

Odisha chief minister Naveen Patnaik pawhin a twitter kaltlangin lawmpuina a hlan bawk.