RS chairman-in TMC MP Santanu Sen a suspend

Rajya Sabha chairman Venkaiah Naidu chuan Ningania Rajya Sabha-a Union IT minister Ashwini Vaishnaw paper ken lai pawhthlak saktu, Trinamool Congress MP Santanu Sen chu Parliament monsoon session chhung atan a suspend.

Sorkar laipui chuan a chetdan mawi lo tak avangin TMC MP hremna pe tur hian nimin khan motion a pu lut a, TMC member ten dodal mah se voice vote hmanga pass a ni. Motion pass a nih hnuah Chairman Naidu chaun Sen chu House chhuahsan nghal turin a hrilh nghal a ni.

Ningani khan Israel software, Pegasus hmanga dik lo taka thilti nia sorkar puh chungchanga union minister Ashwini Vaishaw thusawi tur chu MP Sen hian a paper ken lai chu pawhthlaksakin a pawtthler zui a ni. Hei bakah hian union minister Hardeep Singh Puri chuan mawi lo taka ṭawngkhumah a puh zui bawk a, kut thlak a tum laiin member dangten an lo dang hman a ni. Hei vang hian rorel inkhawm pawh tihtawp lailawk a nih phah bawk.

Nimina Parliament in hnih inkhawmah eptuten farm law thar siam phutna leh Pegasus buaina chungchang an aupui leh avangin rorel thei loin inkhawm pawh Thawhṭanni thleng atan tihtawp a ni leh bawk a ni.