PM-in J&K state-a hlankai leh thuai tiam

Prime minister Narendra Modi chuan Jammu and Kashmir-a political party din thar, Apni Party aiawhte  nena an inkawmnaah sorkar laipui chuan J&K chu state-a hlankai leh a nih thuai theihna turin a thawk dawn tih a sawi. 

PM Office thuchhuah chuan, PM hian amah kawmtute hnenah J&K mipuiten state dinhmun pek leh an duhna leh beiseina chu a rang thei anga tihpuitlin sak tumin sorkar chuan hma a la dawn tih a hrilh a ni, a ti. 

Apni Party hi Peo­ple's Democratic Party (PDP) hruaitu hlui, Altaf Bukhari-a'n March 8-a a din a ni. Bukhari kaihhruain party aiawh mi 24-te chuan kar liam ta Inrinni khan PM hi an kawm a, an state din­hmun leh mamawh hrang hrangte an sawipui.