PM Modi-a'n Maan Ki Baat vawi 79-na hmang

Prime minister Narendra Modi chuan thla tina radio programme a hman ṭhin, Mann Ki Baat vawi 79-na chu nimin khan a hmang leh.

PM Modi chuan ram chhungah hri leng a la reh lo a, mipuite chu festival lo awm turah pawh hri laka invenna tura kaihhruaina dan siamte chu zawm chhunzawm zel turin a chah.

Vawiina Kargil Vijay Diwas thleng tur pualin, ram mipuite chu Kargil indona chanchinte chhiar nawn leh a, kum 1999-a indona mi huaisente zahna hlan leh turin a ngen bawk.

Modi chuan Tokyo-a Olympic Games neih mekah India team-te a chhuan thu sawiin, India infiammite chu an awmna hmun aṭanga lo lawm a, theihtawpa lo thlawp turin mipuite a chah bawk.

Kumina Inde-pendence Day lo thleng tur chungchang pawh sawilangin, kumin hi Independence Day vawi 75-na tur a ni a, a hlu zual bik hle a ni, a ti.