PM Modi leh Crown Prince inkawm Inremna thuthlung panga ziak

United Arab Emirates (UAE)-a zin, Prime Minister Narendra Modi chu Inrinni khan Crown Prince Mohamed bin Zayed Al Nahyan nen inkawmin, ram pahnihte thawhdunna leh inlaichinna te an sawi dun.

PM Modi leh Al Nahyan-te hriatpuinain ram pahnihte hian thawhdunna tur inremna thuthlung panga an ziak nghal a ni. Hengte hi energy sector, railways, manpower leh financial service lama thawhdunna tur a ni.

Modi hi ram pathum tlawh turin a zinchhuak a, Jordan ram a tlawh hnuah Inrinni khan UAE hi a thleng a ni. Crown Prince chuan PM hi airport-ah a lo hmuak a, Modi-a lo lawm nan hian Abu Dhabi-a building eng emaw zat chu Indian flag rawngin kah en a ni bawk.

Nimin khan PM hian UAE martyr war memorial a tlawh a, hemi hnu hian Dubai panin Dubai Opera House-ah India mite nen inkawmna hun an hmang a, World Govemrent Summit-ah thu a sawi dawn bawk.