President-in Drass kal tum a ṭhulh

President Ram Nath Kovind-a'n Ladakh Drass-a kum 1999-a Kargil indonaa Indian Armed Forces nunna chan tate hriatrengna hun hmanpui a tum chu khaw chhiat vangin a ṭhulh tih official-te chuan an puang.

President hi nimin khan Drass War Memorial-ah sipai thite hriatrengna pangpar dah a tum a, mahse a kal thei tak loh vangin Baramulla War Memorial-ah pangpar hi a dah ta zawk a ni. Tun ṭum hi kum thum chhunga Drass a kal tum a ṭhulh ṭum hnihna a ni. Khaw chhiat vang vek hian kum 2019 khan Kargil Vijay Diwas hi a hmanpui thei tawh lo bawk a, Srinagar-a Army`s 15 Corps headquarters war memorial Badamibagh-ah hriatrengna hun hi a hmang tawh bawk a ni.

Kovind hian Pathianni khan Srinagar thlengin ni li a cham ang.

Kargil Vijay Diwas hi kumtin July 26-ah India sipaiten kum 1999-a Kargil Indonaa Pakistan an hnehna champha hriatrengna atan hman ṭhin a ni.

Prime Minister Narendra Modi chuan Pathianni khan Mann Ki Baat kaltlangin kum 1999-a huaisen taka ram tana beitute chawimawia zahna lantir turin ram mipuite a ngen tawh bawk.