Kum 13 chhungin ram kang 38% in a tam

State of Forest Report 2017 tihchhuahah, kum 2003 leh 2016 inkar chhung khan ram chhungah ramngaw kang 38% zetin a tam a, a chhan tam zawk chu ram ngaw enkawl ṭhat tawk loh leh khaw lum lutuk vanga khaw ro vang nia sawi a ni.

Director genreal of forests Siddhanta Das chuan ram kang zinga 95% chu mihringte thlen a ni, a ti. Kum 13 chhung hian ram kang ṭum 33,664 zet thlengin, a kan nasat ber kum chu kum 2009 kha a ni a, ṭum 46,152 zet ram kang report hi a lut a ni. Ramchhunga hmarchhak bialah ram ngaw a kang ngun bik a, a chhan tam ber chu loneihna tur ram hal a nih ṭhin vang nia sawi a ni bawk.