Lehkhabu ziaktu mi 23 hnenah chawimawina hlan

National Academy of Letters, Sahitya Akademi chuan Thawhṭanni khan ramchhunga lehkhabu ziaktu mi 23 hnenah kumtina chawimawina a pek ṭhin, Sahitya Akademi Award a hlan.

Award dawngtute hi chawimawina thuziak, shawl leh Rs nuai khat cheque pek an ni a, New Delhi-a Akademi annual event, 'Festival of Letters' hawnnaah hlan an ni. Chawimawina an dawnna lehkhabu 23-te hi English, Bodo, Telugu, Hindi leh Punjabi ṭawnga ziahte an ni a, a tam zawk hian khawtlang nun, vantlang mipuite nuna thil thleng chungchang an ziak a ni.