Defence ministry-in Rs vbch 16,000 man ralthuam lei remti

Defence Ministry chuan force pathumte tan ralthuam, cheng vaibelchhe 16,000 hu dawn lei rawtna chu Thawhlehni khan a pawm.

Ralthuam lei chungchanga Defence Ministry-a thuneitu sang ber, Defence Acquisition Council (DAC) chuan Thawhlehni khan Defence Minister Nirmala Sitharaman-i kaihhruaina hnuaiah meeting an nei a, ralthuam lei rawtna hun rei tak lo tikhawhtlai tawh chu an pawmpui ta a ni.

Ministry in rawtna a pawm zingah hian service pathum tan assault rifle nuai 7.40 leina tur te, cheng vaibelchhe 1,819 man Light Machine Guns (LMGs) leina tur te, cheng vaibelchhe 982 senga Army tana sniper rifle 5,719 leina tur te a tel.

Assault rifle nuai 7.40 an lei tur hi cheng vaibelchhe 12,280 man tur a ni. Heng rifle-te hi 'Buy and Make (Indian)' category hnuaiah India ramah siam a ni ang. State-run Ordinance Factory Board leh private sector-ten an siam ang.