Ram nei lo chhungkuate hnenah Chattisgarh sorkarin kumtin Rs 6,000 pe dawn

Chhatisgarh sorkar chuan scheme thar duang chhuakin, an state mi leh sa, ram nei lo chhungkuate chu kumtin Rs 6,000 pek an ni ṭhin dawn tih chief minister Bhupesh Baghel chuan Nilaini khan a puang.

Chief Minister hian 2021-22 financial year-a supplementary budget, Rs vbc 2,485.59 a pharh hnua demand proposal chungchang sawihona an neihah he thu hi a sawi a ni. Sawiho hnuah supplementary budget hi pass a ni nghal bawk.

Baghel chuan, "Rajiv Gandhi Gramin Bhoomihin Krishi Majdoor Nyay Yojna chu kan tlangzarh thuai dawn a ni. He scheme hnuaiah hian rural area-a agriculture land nei lo, eizawnna atana agri labour leh MGNREGA hna ringawta innghat chhungkuate chu kumtin ṭanpuina, Rs 6,000 pek an ni ṭhin dawn a ni," a ti. Thingtlanga cheng sam mettu, puansutu (washermen), thirdeng te leh puithiam-te pawh a huam tel dawn tih a sawi bawk.

He scheme hi financial year kallai aṭanga hman ṭan tura ruahman niin, supplementary budget-ah hian he scheme atan hian Rs vaibelchhia 200 ruahman a ni tawh tih an sawi.

Sorkar laipui hian Chhattisgarh state aṭangin buh metric ton(MT) nuai 60 lei a remtih hnuah MT nuai 24 chauh a lei sak a, hei vang hian a bangte hi state sorkar chuan a tihral a ngai a ni, tiin Baghel chuan a sawi. "Hetichung hian sorkar chuan loneitute chhawmdawlna turin theihtawp a chhuah a, loan te pawh kan la hial a ni," a ti.