PM-in I-Day-a a thusawi tur atan rawtna thehlut turin sawm

Prime minister Narendra Modi chuan August 15, Independence Day-a a thusawi tur atana pawimawh an tih, rawtna an neihte thehlut turin mipuite a sawm.

PM Modi hian rawtna an neihte chu MyGov-ah thehlut turin a ti a ni. Ngaihdan hrang hrang an thehluh khawm aṭang hian a thusawi tura a telh turte hi a lo thlang dawn a ni.

Ngenna a siam hnuah mi tam takin rawtna te hi an thehlut nghal a, heng zingah Pegasus chung­chang, Rafale inquiry, fuel man sang, sawisel hlawh tak farm law chungchangte sawi tura rawtna a lut hnem hle.

Prime Minister hian mipui hmaa thu a sawina tura rawtna thlen turin sawmna hi a lo siam fo a, nikum pawh khan Independence Day-a a thusawi tur atan mipuite chu an rawtna te thehlut turin a lo sawm tawh bawk.