India leh Russia-in Aug 1 aṭangin Joint Military Exercise nei dawn

India leh Russia sipaite chuan firfiakte do let dan turin zirin, Russia khawpui pakhat, Volgograd-ah August 1 aṭangin ni 13 chhung military exercise an nei dawn tih Indian Army chuan an sawi.

"Indra" exercise vawi 12-an neih tur hi security lama ram pahnihte thawhdunna tichakna tur bakah India leh Russia-in ṭhianṭhatna rei tak an lo neih tawh sawhnghetna tur a ni dawn tiin Army thuchhuah chuan a tarlang.

Joint military exercise ṭum 12-na hmang turin ram pahnih aṭang hian sipai 250 ve ve an tel dawn a, Indian Army contingent-ah mechanised infantry battalion a huam tel dawn a ni.

Exercise neihna tur Volgograd hi Russia khawpui lian berte zinga mi niin, Volga luipui thlang lama awm a ni.