MHA in August 15-a zawm tur kaihhruaina tichhuak

Ministry of Home Affairs (MHA) chuan August 15-a Independence Day lawmnaah mipui punkhawmna siam zawnga programme huaihawt lo turin state tinte a ngen. Covid-19 inkaihhruaina dan siamte uluk taka zawm a, face mask ṭha taka vuah tur leh social distancing zawm turin a chah a ni.

"Mipui punkhawm luai luaina awm lo zawnga programme siam a, tunlai thiamna ṭangkai thei ang bera hman tur a ni," tiin hriattirna tihchhuahah an tarlang.

A kum hnihna atan MHA chuan Covid-19 dona kawnga a hmatawng, doctor, health worker, sanitation worker-te bakah hri kai dam leh tawh zinga ṭhenkhat chu state, district, block leh panchaya level-a Independence Day lawmna hmunah sawm turin a ti leh bawk.

MHA-in programme hman theih tur china kaihhruaina a siamah, hnam puanzar pawhpharh a nih hnuah thusawi, lawmawmn sem, parade leh hnam hla sakte chu tih theih a ni a, function dang neih phalsak chu thingṭiak phun, online inter-school emaw college emaw debate, quiz, essay& poetry writing leh sorkar building cheimawite a ni.