RS chairman-in TMC MP paruk a suspend

Rajya Sabha chaimran M Venkaiah Naidu chuan nimin khan Trinamool Congress (TMC) MP parukte chu eptuten Pegasus spyware chungchanga lungawi lohna lantir ṭuma House chhunga lehkha ziak an ken avangin nimin atan a suspend.

Nimina Rajya Sabha rorel inkhawm ṭan a nih veleh eptute MP-te chu House laiah chhuak khawmin, Israel spyware Pegasus hmanga eptu hruaitu, sorkar sawiseltu leh journalist ṭhenkhatte phone enthlak ruk nia sawi chungchang chu sawiho an phut thu an sawi. TMC member-te hian sorkar demna thuziak lehkha an keng lang a ni.

Rorel inkhawm a tihtawp hmain Naidu chuan member-te chu an ṭhutna lam pan tur leh, lehkha ziak kengtute lakah rule 255 hmangah a vau bawk. Mahse member-te hian thu an zawm duh loh avangin placard kengte chu rule 255 hnuaiah nimin atan khan a suspend a, inkhawm pawh a titawp nghal bawk.