PM Cares Fund RTI-in a huam loh avangin khing
Right to Information Act (RTI)-in a huam loh avangin Covid-19 dona tura mipuite pawisa thawh khawmna, PM Cares Fund chu Delhi High Court-ah khin a ni.
Delhi High Court-ah hian Public Interest Litigation (PIL) thehluh a ni a, he PIL thehluhah hian RTI-a Section 2(h) tlawh chhanin PM Cares Fund hi public authority a nih thu tarlan a ni a, public authority a nih chuan sorkarin authority, body emaw institution a siamte chu an kal hmang hriat theihna chanvo mipuiin an nei a ni.
He fund chungchang hi kimchangin mipuite hriata tarlan tir theih a nih thu pawh ziah lan a ni.
PM Cares Fund hi mipuite hriata a hman dan chungchang kimchang taka tarlan loh a nih avangin leh, RTI-in a huam loh avang hian vawi tam tak sawisel a lo ni tawh a ni. PIL thehluhah hian thla hnih chhungin he fund-ah hian cheng vaibelchhe 10,000 a lut tawh tih ziah lan a ni bawk.