Covid vanga naupang nu leh pa chante A thlawnin Health Insurance tihsak dawn : Anurag Thakur
Covid-19 hripui leng mek karah sorkar laipui chuan naupang kum 18 hnuailam, hri vanga nu leh pa chante chu a thlawnin health insurance a tihsak dawn.
Union minister Anurag Thakur chuan Nilaini khan a twitter-ah tarlangin, nu leh pa chan naupangte chu Ayuhsman Bharat hnuaiha health insurance, Rs nuai 5 tihsak an ni dawn a, a premium hi Prime Minister's Citizen Assistance and Relief in Emergency Situations (PM-Cares) aṭangin pek a ni dawn tih a sawi.
Anurag chuan naupang kum 18 hnuailam nu leh pa emaw an mahni enkawltu chanta te pualin thlatin stipend pek an ni dawn a, kum 23 an tlin hunah Rs nuai 10 pek an ni leh dawn tih a sawi bawk.
Official thuchhuah tarlan danin, PM-CARES for Children Scheme hi May 29, 2021 khan prime minister Narendra Modi chuan naupangte tan a tlangzarh a ni. March 11,2020 aṭanga chhiar ṭanin, Covid-19 vanga nu leh pa emaw, anmahni enkawltu,legal guardian emaw naupang chawiliantu,adoptive parent emaw chante hnenah chhawmdawlna hi pek a ni ang.