Mipui punkhawmna thil huaihawt tlem turin state-te ngen

Festival hrang hrang lo thleng tur thlir lawkin, union health secretary Rajesh Bhushan chuan state tinte hnenah mipui punkhawmna lam huaihawt tur veng turin a chah.

Bhushan chuan state ṭhenkhatah nitin hri kai thar an la pung chho zel tih sawiin, positivity rate pawh a la sang zel a ni, a ti.

Hri leng thawh hnihna thlenga hri darh tur venna kawnga an hmalakna avanga lawmthu hrilh hmasain, Bhushan chuan, "Thla liamta chhung khan hri kai hi tlahniam deuh mah se state ṭhenkhatah chuan nitina hri kai pun thar lehna hi a awm chho leh mek a ni," a ti. Hetih lai hian festival pawimawh tak tak thleng tur a awm a, Muharram (August 19), Onam (August 21), Janmashtami (August 30), Ganesh Chaturthi (Sep. 10) leh Durga Puja (5- October 2021) leh festival dang lo thleng turah mi tam tak an punkhawm leh rin a ni a, hei vang hian state tinte chu mipui pungkhawm tur veng a, tualchhungah ṭheuh khuahkhirhna te siam turin thurawn a pe a ni.

Indian Council of Medical Research (ICMR) leh National Centre for Disease Control (NCDC) te chuan hunpui lo thleng tura mipui pungkhawm vangin Covid-19 hri chu nasa taka a darh an hlauh thu an sawi bawk.

India-ah Nilaini khan Covid-19 kai thar 42,625 an awm belh leh a, dama puan 36,668 leh hri vanga thi 562 an awm tih Ministry of Health and Family Welfare chuan a tarlang.