Sorkar laipuiin GTS compensation Rs vbc 36,400 pe chhuak

Sorkar laipui chuan Ningani khan state hrang hrang hnenah Goods and Services Tax (GST) compensation tihkhaw-tlai sak, cheng vaibelchhe 36,400 a pe chhuak. 

Sum a pek hi December 2019 leh February 2020 chhunga mi a ni. 

Union finance ministry chuan coronavirus lengin state hrang hrangte sum hmuhna nasa takin nghawng­in a tlahniam a, hei vang hian sum an mamawh belh hle tih sawiin pawisa hi pekchhuah a ni tih a sawi. 

Hri leng vangin state tinten sum lamah harsatna an tawk chho mek a, Delhi leh Jharkhand state phei chuan sorkar hnathawkte hlawh pek tur an neih loh thu pawh an lo sawi tawh a ni.