Ram dang Tablighi Jamaat member 2550-te blacklist-ah dah

Sorkar laipui chuan ram dang Tablighi Jamaat member 2550-te chu blacklist-ah a dah.

Sorkar laipuiin a blacklist-te hi kumin March thlaa Delhi-a Nizamuddin hmuna Islamic missionary movement, Tablighi Jamaat inkhawmpui chhima rawn kalte kha an ni. Ram chhunga Covid-19 hri leng pu darhtuah an ṭan tak avangin sorkar chuan an mahni zawng chhuak turin nasa takin hma a la a, mi eng emaw zat man an ni tawh a ni.

Heng mi 2550-te hi tourist visa hmanga India-a rawn lut an ni a, Covid-19 hri leng vanga sorkar laipuiin lockdown a puan avangin India an chhuahsan hman lo a, visa dan an bawhchhiat avangin kum 10 chhung India-a rawn zin khapsak an ni bawk.