Eptuten Jantar Mantar-ah loneitute pualin nawrh huaihawt

Eptu party 14 hruaitute chuan nimin khan Delhi-a Jantar Mantar-ah farm law thar pathum duh loa nawrh huaihawt mek, loneitute an thlawpna lantirin lungawi lohna an lantir.

Parliament monsoon session neih mek karah loneitute hian farm law sut tura sorkar an phutna lantirna atan 'farmers' parliament' an lo huaihawt ve bawk a ni. Hetah hian prime minsiter Narendra Modi kaihhruai sorkar laipui chu a farm law siam duh loha nawrh huaihawtte laka a chet dan avangin sorkar lakah hian 'no confidence motion' an pu lut.

Nikum November thla aṭang khan ram chhung hmun hrang hrang aṭanga loneitu kalkhawmten Delhi border-ah lungawi lohna hi an la lantir chhunzawm reng a ni Sorkar aiawhte nen ṭum eng emaw zat inbe tawh mah se, tun thlengin inremna an la siam thei lo.

Eptute hian Parliament session neih mekah farm law chungchang hi sawiho phutin ṭum eng emaw zat inkhawm pawh an lo aubuai tawh a ni.