Mi maktaduai 825-in internet hmang thei : Sorkar laipui

Parliament-a Digital divide dinhmun zawhna a chhannaah, sorkar laipui chuan ram chhunga mi maktaduai 835-te chuan internet an hmang thei tih a sawi.

Internet chungchanga khawpui leh thingtlang dinhmun inthlau lutuk tur tihziaawmna turin sorkar chuan gram panchayat 1,57,383-ah high-speed internet infrastructure a bun thu a sawi bawk.

Rajya Sabha-a Trinamool Congress MP Derek O'Brien zawhna chhangin, electronics and information technology minister Rajeev Chandrasekhar chuan Telecom Regulatory Authority of India (TRAI)-in a tarlan danin, kumin March 31 thleng khan India ram pumah internet subscriber vaibelchhe 82.53 (maktaduai 825.301) an awm tih sawiin, thingtlang lama cheng mi maktaduai 302 leh khawpuia cheng mi maktaduai 503 chuangin internet hi an hmang thei a ni, a ti.

Rajeev chuan thingtlang lama mumal taka Internet speed chak zawk an neih theih nan sorkar laipui chuan gram panchayats leh khua zawng zawngah BharatNet project an kalpui dawn tih a sawi. July 1 thleng khan Gram panchayat1,57,383-ahte high-speed internet/ broadband infrastructure service an kalpui thei tawh tih a sawi a ni. Nilaini thleng khan ramchhungah optical fiber km. 5,25,706 zam a nih tawh thu a sawi bawk.