Vaccine certificate-a PM Modi thlalak dah chhan sawifiah

Covid-19 vaccine la kim tawhte hnenah vaccination certificate pekchhuahah prime minister Narendra Modi thlalak leh a thusawi dah tel a nih chungchang chu sorkar laipui chuan sawifiahin, hei hi vaccine lak tawh hnuah pawh Covid-appropriate behaviour zawm zel tura mipuite zirtirna a ni, a ti.

Nimina Rajya Sabha rorel inkhawmah minister of state for health Bharati Pravin Pawar chuan Covid vaccination certificate-a PM thlalak dah tel kher a ṭulna chhan zawhna a chhannaah a sawi a ni.

Minister chuan, "Hri leng dinhmunte thlirin, hri darh zel tur venna tana thil pawimawh tak pakhat chu Covid-appropriate behaviour zawm ṭhat hi thil chiang tak a ni. PM thlalak leh a thuchah dah tel hian inkaihhruaina te zawm ṭhat chhunzawm zel a pawimawhzia mipuiah a zirtir nghal a ni," a ti.