Hri kai thar 41,195 awm belh leh : Hri kai mek an pung chho leh

India ramah Nilaini khan coronavirus kai thar 41,195 awm belh lehin hri kai hmuh chhuah tawh hi mi 3,20,77,706 an tling tawh. Hri kai mek, active case chu 3,87,987 ah a pung chho tih Union Health Ministry data chuan a tarlang.

Ni nga chhung hri kai mek an tlakhniam hnuah rawn sang chho lehin, hri kai tawh aṭanga chhutin 1.21% a tling chho leh. Hri kai enkawl dam tawh, recovery rate chu 97.45% a ni mek tih ministry chuan a sawi.

Nilaini khan ram pumah Covid test 21,24,953 neih leh a ni a, Nilaini thlenga ramchhunga Covid-19 test neih tawh chu 48,73,70,196 a tling tawh.

Nitina hri kai zat, daily positivity rate chu 1.94% a ni a, ni 17 chhung a zawnin 3% hnuailamah a awm tawh a ni. Kartina hri kai zat, weekly positivity rate chu 2.23% a ni tih ministry chuan a tarlang.

Hri kai dam leh tawh hi mi 3,12,60,050 niin, hripui thihpui zat hi 1.34% an ni.

India rama vaccine semchhuah kalpui mekah Covid-19 vaccine dose vaibelchhe 52.36 semchhuah a ni tawh.

India-ah hri kai hmuh chhuah hi August 7, 2020 khan nuai 20 an tling a, August 23 khan nuai 30, September 5 khan nuai 40, September 16-ah nuai 50 an tling. September 28 khan nuai 60 pel lehin, October 11-ah nuai 70, October 29-ah nuai 80, November 20-ah nuai 90 leh December 19 khan vaibelchhe khat a pel a ni.

Kumin May 4 khan vaibelchhe hnih pel lehin June 23 khan vaibelchhe thum an tling chho a ni.

Ramchhungah hripui vangin mi 4,29,669 an thi tawh a, heng zingah hian Maharashtra aṭangin mi 1,34,364 an thi a, Karnataka ah mi 36,881, Tamil Nadu ah 34,395, Delhi ah 22,776, West Bengal-ah 18,258 leh Kerala-ah mi 18,120-in an thihpui.

Ministry chuan hri vanga thi zinga 70% te chu natna benvawn nei sa an nih thu a sawi.