Sorkarin hri darh dan enna tur platform siam dawn

Ram chhungah Covid hri a la hluar chhoh dan leh, vaccine la tawh zingah pawh hri kai an awm zel nia report a awm avangin sorkar chuan hri darh dan, hri kaite dinhmun en theihna tur platform a siam dawn nia sawi a ni.

He platform hi public domain-ah hmuh theih a ni ang a, hri inkaidarh dan te, hospital-a enkawl mek zat leh thihpui zatte pawh dah lan vek a ni ang.

Covid vaccine la tawh, RT-PCR report leh hri kai tawhte data lakkhawm aṭangin platform hi siam a ni ang. Public domain-a information pek hian mipuiteah vaccine rin ngamna an neih belh theih phah dawn nia sawi a ni. Vaccine la tawh zinga hri kaite chuan taksa lamah nghawng a nei na lo a, an zinga tlemte chauh hospital-a dah ngai an awm a ni.