Pakistan sipaiten LoC area-ah silai hmetpuak leh

Pakistan sipaite chuan ramri-a inkahhai puanna chu palzutin, Nilaini zan khan Jammu and Kashmir-a Rajouri district-a Line of Control (LoC) ah silai hmetpuak lehin, civil mi chenna bial an kap.

Defence thupuangtu chuan Nilaini zan dar 6.15 vel khan Pakistan sipaite hian silai leh laipui hmangin Noushera sector an kap leh tih a sawi a, hei hi India sipaite chuan an chhang let ve nghal niin a sawi.

February 11 khan Paksitan sipaite chuan Rajouri leh Poonch-a thingtlang khuate chu nasa takin an lo kap tawh bawk a ni. February 10 khan Pakistan sipaiten Noushera-a LoC-ah silai an hmehpuah avangin hmeichhe pakhat a thi a, February 9 khan sipai pathum chu Pakistan sipaite silai hmehpuahah hliam an tuar bawk. Kumin chhungin Jammu bial-a LoC leh IB-ah Pakistan sipaite silai hmehpuah avangin mi 19 an thi tawh a, an zinga mi10 chu security mi leh sa niin civil mi pakua an tel bawk. Mi 75 in hliam an tuar bawk a ni.