UK court-in Vijay Mallya allowance a tipung

India rama bank hrang hranga loan tam tham tak a bat avanga UK-a tlanchhe mek, Kingfisher Airlines tawp ta neitu, Vijay Mallya-a hnena weekly allowance pek ṭhin chu UK High Court chuan pound 18,000-ah a tihpun sak.

UK High Court-ah hian Mallya ukil-te chuan ngenna thlenin, ram hrang hranga kum 62 mi Mallya thil neih, dollar tluklehdingawn 1.5 hu chu khawih chet theih loha dahsak a nih avangin nitin khawsakna atana sum pek chu tihpun sak turin an ngen a ni.

Mallya ukil-te ngenna hi a ngaihtuah hnuah, Justice Robin Knowles chuan Mallya-a allowance hi kar khatah a tam berah dollar £18,325.31 china tihpun a remtih sak a ni.

Hetih lai hian sorkar laipui chuan Mallya hi India rama a thubuai hmachhawn tura thawn haw turin a ngen a, he ngenna hi March 16 hian London-a Westminister Magistrates Court-ah Chief Magistrate Emma Arbuthnot chuan a ngaihtuah dawn a ni.