TMC-in Khela Hobe Diwas hmang

West Bengal-a rorellai, Trinamool Congres (TMC) party chuan nimin khan state pumah Khela Hobe Diwas hmangin, party hruaitute chuan state chhung hmun hrang hrangah football match an buatsaih.

He hun hi sports chawilarna atan leh, kum 1980-a Kolkata-a football match neih laia innekbuaina thleng mi 16 thi tate hriatrengna atana tih a ni bawk.

TMC hotu lu ber leh West Bengal chief minister Mamata Banerjee chuan thla liam ta khan August 16 chu 'Khela Hobe Diwas' atan hman a nih dawn thu a lo puang tawh a ni. He ni pual hian state sorkar chuan stadium hrang hrangah programme buatsaihin, club-te hnenah football-te a sem bawk.

Hetih lai hian BJP chuan Khela Hobe Diwas hman hi an dodal thung a, kum 1046 August 16-ah Mulsim League chuan Direct Action Day hawngin, he ni hi Great Calcutta Killings ṭanna ni atan an hmang niin an sawi.