Pakistan-in Indian army post an kapchhia

Pakistan sipaite chuan Kashmir-ah Indian army post kap chhiain, sipai panga an kaphlum niin an sawi a, mahse India chuan hei hi thu dik lo niin a sawi thung.

Pakistan Army thupuangtu Maj.Gen. Asif Ghafoor leh official-te chuan Pakistan ram chin Kashmir-ah Indian sniper pakhatin naupangte chuanna school van a kah avangin Pakistan sipaite chuan Ningani zan khan Tata Pani khaw bula Indian post chu an kap chhia niin a sawi. Pawisawilote chunga India-in pawikhawihna a thlen chu an chhang let zel dawn tih a sawi bawk. Nimin khan Indian Army official chuan Pakistan Army thusawi hi chhangtin, thu dik lo a nih thu a sawi. Ningani khan Pakistan leh India sipaite hi ramri-ah an inkap lo niin a sawi bawk.