Iran leh India-in inremna pakua ziak

Prime Minister Narendra Modi leh India tlawha rawn zin, Iran President Hassan Rouhani-te chuan kar kalta Inrinni khan ram pahnihte thawhdunna tur inremna thuthlung pakua an ziak. Inremna an ziahte hi security, trade leh energy lama thawhdunna tur a ni.

Ram pahnih hruaitute hian inkawmna hun hmanga thawhdunna turte an ziah hnu hian joint press conference an nei zui a ni. PM Modi chuan Iran president-in India a rawn tlawh chuan ram pahnihten inpawhna leh inzawmna ṭha, thawhdunna nghet tak neih an duh zia a tilang a ni, a ti. Iran President nena inkawmna an neihah pawh firfiak, ruihhlo tawlhruk leh harsatna dang thleng ṭhin hmachhawn dan tur chungchangte pawh an sawidun niin a tarlang. Iran President pawhin buaina awm ṭhinte chu inbiakna hmanga chinfel dan kawng zawn zel a ṭha tih a sawi bawk