Army Chief, NSA leh Foreign Secretary-ten Bhutan tlawh

Khawmual sipai hotu lu ber General Bipin Rawat, Foreign Secretary Vijay Gokhale leh National Security Adviser Ajit Doval-te chaun tun thla tir lam khan engmah puangzar loin Bhutan an tlawh.

Tun hnaiah China sipai, People's Liberation Army (PLA)-te chuan Bhutan ramri, Royal Bhutan Army kuta awm ṭhin ram chinah patrol an nei ṭhin nia sawi a ni a, hei hi India chuan a ngaimawh hle a ni.

India, Bhutan leh China inri-na, Doklam tri-junction-a ram inchuh laiah China sipaite hian kawng an siam avangin India leh China sipaite hi hun rei tak ramri-ah hian an lo inep tawh a, mahse ram pahnih sipai aiawhte hian inbiakna an neih hnuah PLA hian Doklam aṭangin a sipaite hi alo lakir tawh a ni.

India khawmual sipai hotu, Foreign Secretary leh NSA ten Bhutan an tlawh hi paunzar a ni lo a, Bhutan hruaitute kawmin Doklam chungchang te, China sipaiten defence infrastructure an siam chungchangte an sawiho a ni. Doklam biala China sipaite hmalakna avanga India leh Bhutan-in defence leh security lama thawhdunna ṭha an neih a pawimawh thute pawh an sawi bawk. Doklam buaina chinfel dan tur ngaihtuah hian Bhutan leh China pawh hi an lo inbe tawh a ni.