Pakistan-in Lahore-a PM chawlh manah Rs nuai 2.86 chawi tir

Pakistan chuan Prime Minister Narendra Modi-an Russia, Afghanistan, Iran leh Qatar a tlawh ṭuma Lahore-a a chawlh lawk manah cheng nuai 2.86 chawi turin a hriattir.

Activist Commodore (Retd) Lokesh Batra-an RTI hmanga a zawhna chhannaah hei hi hriattir a ni. Kum 2016 June thleng khan PM hian ram 11–Nepal, Bhutan, Bangladesh, Afghanistan, Qatar, Australia, Pakistan, Russia, Iran, Fiji leh Singapore ramte tlawh nan Indian Air Force thlawhtheihna a hmang a ni. Kum 2015, December 25 khan PM Modi hian Russia leh Afghanistan a tlawh zo a rawn haw lam chu Pakistan Prime Minister Nawaz Sharif-an a sawm angin Lahore-ah hian a chawl a ni. Hemi ṭum hian Pakistan chuan route navigation charge-ah Rs nuai 1.49 a bill a ni.

Kum 2016, May 22-23 khan Modi hian IAF aircraft hmangin Iran a tlawh a, hemi kum vek June 4-6 khan Qatar a tlawh bawk. Heng ram pahnihte a tlawh ṭum hian Pakistan ram chungah a thlawk ve ve a, Iran a tlawh ṭum hian Pakistan chuan route navigation charge Rs 77,215 leh Qatar a tlawh ṭum hian Rs 59,215 a bill leh bawk.