Kamal Hassan-an a party tlangzarh dawn

Lemchan thiam, politician-a inlet ta Kamal Hassan chuan vawiin tlai hian Madurai-ah political party a din thar chu a tlangzarh dawn. Haasan hi a party thar tilar tur hian a zinkual nghal dawn a ni.

Kamal Haasan chuan a party tlangzarhna hunah hian party dang hruaitu eng emaw zat pawhin telpui an tum thu a sawi a, vawiin tlai dar 6 hian Madurai ground-ah public meeting lian tham tak buatsaihin, party hming leh policy-te pawh a puan nghal tur thu a sawi.

Haasan-a party tlangzarhnaah hian Delhi Chief Minister Arvind Kejriwal-a chuan a tel tur thu a sawi a, Bihar CM Nitish Kumar leh Kerala CM Pinarayi Vijayan-te pawh tel tura rin an ni.