Kumtin nau piang thar ni 28 tlin hmain nuai 6 thi

UNICEF-in nimina report a tihchhuahah, kumtinin India ramah nau piang thar zinga nuai ruk chu ni 28 an tlin hmain an thi nin a tarlang.

UNICEF in a zirchianna aṭanga a tarlan danin, India chu khawvela naupiang hlim thi an tamna ram zingah a tel a, heng nausen thihna thleng tam zawk hi damdawia ṭha taka enkawlna hmanga ven theih niin a sawi bawk. Hetih lai hian kum nga kalta aiin nausen thi zat hi a tlahniam hle niin a sawi thung.

Nausen a pian aṭanga ni 28 thleng hi an dam khawchhuahna tura hun pawimawh tak a ni a, thla khat chhung hian nausente hian thi phah hlauhawmna kawng hrang hrang an hmachhawn ṭhin a ni.

Kum 2016 chhung khan khawvel pum huapin nausen, thla khat an pum hmaa thi chu maktaduai 2.6 an tling a, heng zinga a tam zawk chu kar khata upa an niha thi niin, an pian aṭanga ni ruk chhunga thi hi maktaduai khat dawna an tling a ni. Heng nausen thi zinga 80% zet chu enkawl dam theih nia a lan thu UN children's agency chuan a tarlang.