CBI-in Rotomac neitu Kothari thu zawtfiah

Nationalised bank pasarih-a loan cheng vaibelchhe 3,695 ba tu, Rotomac neitu Vikram Kothari chu nimin khan Central Bureau of Investigation (CBI) chuan New Delhi-a an office-ah thu a zawtfiah.

Kothari hi a company awmna hmun leh a chenna, Kanpur-ah thu zawhfiah a lo ni tawh bawk. Rotomac Global Pvt Ltd-a Director, Khothari, a nupui Sadhana leh an fapa Rahul-te chu bank loan an lakte hi an loan lakna chhan ni lo, thil dang atana pawtpengah puh an ni.

Nationalised bank pasarih intelkhawm zinga mi, Bank of Barod chuan CBI hnenah Kothari hian loan ba tam tham tak a neih avangin ram pawn lamah a tlanbo mai a hlauhthawnawm a, hei vang hian a lakah FIR thehlut turin CBI hnenah hian ngenna a thlen a ni. Complaint an dawn hnuah February 18 khan CBI chuan thubuai a ziaklut a ni.

CBI-in Rotomac Global Private Limited account a chhuina aṭangin, he company hian Bank of India, Bank of Maharashtra, Indian Overseas Bank, Union Bank of India, Allahabad Bank leh Oriental Bank of Commerce aṭangin loan a la a, a loan lak hi a pungte nen Rs vbch 3,695 a tling tawh a ni, a ti.