ICMR-in July-September inkar chhungin Covid-19 Testing Kit vbc 62 thawnchhuah tum

Indian Council of Medical Research (ICMR) chuan Thawhlehni khan July aṭanga September inkar chhungin Covid-19 testing kit vaibelchhe 62 thawnchhuah an tum tih an sawi.

Ramchhungah Covid-19 diagnostic kit indaih khawp kan neih theih avangin ICMR/DHR (Department of Health Research) chuan heng kit siamtuten a bang ram danga an thawnchhuah chu a thlawp tih a sawi.

September 2021 thlenga thawnchhuah tur te hi RT-PCR test kit vaibelchhe 62, Viral Transport Media (VTM), RNA extraction leh rapid antigen test te an nih thu ICMR chuan twitter kaltlangin a tarlang.

ICMR chuan Covid-19 testing kit hi tam zawk siamchhuah belh niin, heng hmanruaahte hian India chu a intodelh thei a ni, a ti. Heng hmalakna avanga hian test kit hi a tlawm phah mai bakah awlsam taka hmuh theih a ni bawk.

India rama siamchhuaktu te hian ramchhung mamawhna phuhru turin an thil siamchhuah hi nasa takin an tipung a, ram chhunga mamawh chin bak chu thawnchhuah a ni dawn a ni, a ti.