Kamal Haasan-a party thar 'Makkal Needhi Maiam' tlangzarh

23rd February, 2018

Lemchan thiam, politician-a inlet ta Kamal Haasan-a chuan Nilaini khan a political party thar,Makkal Needhi Maiam (MNM) chu Madurai-ah a tlangzarh ta.

Madurai-a party thar tlangzarh inkhawm buatsaihah hian Kamal Haasan-a thlawptu tam tak an pungkhawm a, Delhi Chief Minister Arvind Kejriwal-a pawhin telpuiin thu pawh a sawi a ni. Kerela Chief Minister Pinarayi Vijayan chuan duhsakna thu a thawn bawk.

MNM hian party symbol-ah kut invuan lai, rang dum leh var an hmang a, hei hi inpumkhatna leh, Tamil Nadu mipuiten an chanvo dik tak an neih theihna tura an beihna lantirna a ni tih an sawi. Party flag hi Kalam Hasaan chuan pawtpharhin, hruaitu leh hotu bik ni loin, member dang ang bawk a nih thu a sawi.