Amitabh Bachchan-an Twitter-ah Congress hruaitute follow

Indian superstar Amitabh Bachchan chuan Twitter-ah Congress hruaitute a follow a, hei hian ngaihven a hlawh zui hle. Congress party a ngaihven thar hian sawizui a hlawh hle.

Amitabh Bachchan hian Congress president Rahul Gandhi leh party official Twitter-te a follow hnuah, Congress senior leader P Chidambaram, Kapil Sibal, Ahmed Patel, Ashok Gehlot, Ajay Maken, Jyotiraditya Scindia, Sachin Pilot leh CP Joshi-te chu tun thla chhungin a follow leh a ni. Hemi hma hian Manish Tewari, Shakeel Ahmed, Sanjay Nirupam, Randeep Surjewala Priyanka Chaturvedi leh Sanjay Jha-te a lo follow tawh bawk.

Bachchan hi Nehru-Gandhi chhungkua nena inpawh tak, Prime Minister hlui Rajiv Gandhi ṭhian niin, Gujarat state ambassador nilai a ni. Twitter-ah hian follower maktaduai 33.1 chuang zet a nei a ni. Congress party a ngaihven thar chungchang hi social media lamah sawi zui a hlawh hle.